#有食譜 講起茄子，無論行街市又好，行citysuper都好，都會見到有唔同品種嘅茄子，高矮肥瘦唔同顏色，真係好多。呢日行街市，見到有幼身啲嘅茄子，除咗紫色，仲有白色，諗都無諗就買咗三條。平時見到呢啲幼茄子，因為肉質比較爽口，用嚟做涼拌茄子就最適合，不過我都鍾意用嚟炆嘢，貪唔洗炆好耐。
另外，上星期出開灣仔，去咗 #好東西 一轉，入返啲靚雜貨，仲買咗樽辣椒豆豉炸蒜。呢樽嘢用嚟蒸茄子、蒸䱽魚或者用嚟炆嘢都一流，好萬用，不過記住真係有啲辣。
今次煮呢個餸，用咗幼茄子，如果你地買咗粗嘅茄子，建議可以切粗條，食落去口感好啲又快熟。另外，茄子唔走油的話，煮完茄子皮會變瘀色，但嫌屋企做走油太麻煩的話，都可以考慮一下落多少少油，將啲茄子快炒，盡量啲油要掂到茄子皮，撈起隔油，咁樣呢個方法會慳油好多。大家不妨試吓！
立即Follow我的Instagram @mrswongskitchen
Search